Home link
IES DE CACHEIRAS
Os alumnos e alumnas do IES de Cacheiras que participaron no programa de intercambio con Noruega o curso pasado serán os protagonistas dun podcast no que compartirán as súas experiencias, aprendizaxes e recordos desta mobilidade.
Ao longo do podcast, e a través das súas propias voces, contarán como foi participar no intercambio, que lles achegou a experiencia tanto a nivel académico como persoal e que aspectos lles resultaron máis interesantes ou sorprendentes.
O obxectivo desta actividade é dar a coñecer a experiencia en primeira persoa e animar outros estudantes a participar en futuros programas de intercambio internacional, destacando as oportunidades que ofrecen para coñecer outras culturas, practicar idiomas, establecer novas relacións e vivir experiencias fóra do contorno escolar habitual.
